Ek wil ‘n testimony met jou deel. Nadat ek jou seminar bygewoon het, het ek besluit om ‘n eksperiment met Cedarwood op ons gesin te doen. Jy het gesê dat dit help om trauma te ontsluit wat dalk nog in jou selle sit.

Ons het jare vir berading gegaan en ek is self ‘n paar keer deur bevryding. Vergifnis, bloed van Jesus, “courtrooms”, Sozo ens. Ek en my man doen nou self berading en emosionele genesing en help mense met gesondheidsprobleme. My toets met die olie was om te sien of dit wel jou liggaam help om ontslae te raak van toksiese trauma in jou selwaters, selfs nadat jy geestelik en emosioneel bevry is.

Ek het gevoel ons moet 3 aande ‘n Cedarwood blend op ons ruggrate smeer voor slaaptyd, sowel as “cupping” oor die neus. Met die 1ste aand het ek so baie gedroom oor sekere situasies wat as kind gebeur het, veral waar daar vrees by betrokke was.

Die 2de aand het ek ook gedroom, amper tipe nagmerries. Dit was regtig of my liggaam begin het om dinge te “release”. Ek het een van die aande so gedroom, selfs amper gesweet en my liggaam het gevoel of ek deur ‘n fisiese bevryding gaan van iets.

Ons het die 4de, 5de en 6de aand dit oor en om die naeltjie gesmeer, sowel as onder die voete. Ek het redelik baie rondgerol in my slaap.

Ek het een middag so moeg gevoel dat ek moes gaan lê het. Het baie diep geslaap binne ‘n kort tydjie. Net voor ek heeltemal wakker geword het, het ek onsettende hoendervleis diep binne in my buik area gevoel en binne-in my heupe. Ek het ‘n baie diep emosie beleef, so amper of iemand my wind kom uitslaan het oor ‘n emosionele iets. En toe kom daar ‘n “release” en vrede.

My man was baie gefrustreerd in daai week en het moeilike emosies moes deurmaak. Een kind was baie stil gewees en die ander een was baie gefrustreerd en geirriteerd, amper aggressief gevoel. Glad nie soos hulle normale persoonlikhede nie.

Die spatare wat ek na my swangerskappe op my een been gekry het is aansienlik minder, met minder “blou” en swelling! En ons almal het skielik minder kringe onder ons oë! Ek neem aan dis omdat Cedarwood suurstof in jou bloed aan help!?

Ek het die 6de aand soos’n klip geslaap. Vir die eerste keer in my lewe waarvan ek weet deurgeslaap. Nie eens opgestaan om water te drink of badkamer toe te gaan nie.

Baie dankie vir jou lewensverrykende kennis en gehoorsaamheid aan die Here. Die simboliek van Cedarwood, waar Jesus op die kruis is, ‘n Weg gemaak het na lewe en so ook Cedarwood wat “deurbreek” en ‘n weg maak vir lewe in ons selle.